موال الدنيا

من طرف **بسمة امل** الأربعاء أغسطس 04, 2010 9:37 pm

موال الدنيا

يا دنيا مالك بقى
قاسية قوي كده ليه
غداره زي البحر
وأصلك رَدي كده ليه
٭٭٭
فيكي البشر أنواع
فيه الضعيف والقوي
القوي بياكل الضعيف
زي السمك في البحر
٭٭٭
والله باقيتي غابة
مليانة يا دنيا وحوش
فيكي بشر زي الديابة
بينهشو ما بيرحموش
بياكلو قوت الغلابة
ببجاحة ولا ينكسفوش
٭٭٭
والله داحنا غلابة
عايزين يا دنيا نعيش
كلنا هموم ومتاعب
بسببها ما بناموش
والهم مخيم علينا
والفرح ما نعرفهوش
٭٭٭
ما تردي عليا يا دنيا
وقوليلي جرالك ايه
هو أحنا ماحنش بشر
ولا نموس وهموش
سيبانه فريسه كده
لناس ما بيقدروش
واللي يطالب بحقه
الشمس ما تشفهوش
وعجبي