البنات عنست

من طرف **lord ahmed2** الخميس ديسمبر 23, 2010 7:13 pm

حسب الاحصائيات تسعة ملايين شاب وفتاة عانس في مصر و 264 ألف حالة طلاق سنويا ،

يبقى البنات تعمل ايه ؟؟؟ البنات عنست Suspicious

-
لازم تتصرفى بسرعه انتى وهى ، لازم تتعلمى توقعى الشباب فى دباديبك ،
والشباب جاهزين جدا ومستعدين بس انتى شاورى ، وسيبك بقى من اللى يقولك اهم
حاجه فى البنت اخلاقها والاصل الطيب ، لان لو حد مشى على الكلام ده يبقى
مفيش ولا بنت هتتجوز ( لا مؤاخذه يعنى ) ، مش عارفه تعملى ايه ؟؟ يبقى
تشوفى البنات اللى بتفهم بتعمل ايه وقلديهم وامشى على نفس الدرب:

1-
هاتى ورقه وقلم واكتبى اسامى كل الشباب اللى مش متجوزين معاكى فى الشغل
واعملى دراسة جدوى وشوفى مين فيهم ينفع وحاولى ترمى شباكك عليه .

2-
الشباب بيموتوا فى الدلع ( بهاء سلطان : الواد قلبه بيوجعوا وعاوز حد
يدلعوا ) يبقى الشاب اللى عليه العين الصبح ترمى عليه السلام بصوت ناعم
وكله دلع ( سباح الخير .. قوليها بالسين بلاش بالصاد دليل على الرقه والدلع)

3-
الشباب يموتوا فى المظاهر والبنت الستايل ، يعنى تلبسى ع الموضه ولو
معرفتيش تلبسى ازاى افتحى القنوات الفضائيه وشوفى ايه مذيعه هتلاقيها
سوووو ستايل ... قلديها

4-
مفيش مانع من كلمتين انجليزى وسط كلامك عشان يعرف انك بنت كلاس يعنى بلاش
حاضر وطيب قولى اوكى ، بلاش تقولى يالهوى ( قولى اوه ماى جاد) . وقوليلوا
يا بيبى الكلمه دى بتهز كيان الشاب خالص !!!

5-
اتبعى نظرية شاديه فى مسرحية ريا وسكينه (( اغريه يا سكيننه )) وده من
اقوى الاسلحه اللى ممكن توقعيه بيها مانتى عارفه الشباب بيضعفوا بسرعه .

6- الشباب يموتوا فى البنت الرقيقه الحساسه (( اقلبيها نكد وكل كلمه دمعى دمعتين واستخدمى مناديل فلورا عشان ناعمه وقويه وكلها حنيه .. وياسلام بقى لو حصل اى موقف صعب قدامك يغمى عليكى وهويحاول يفوقك استعبطى وخليه يقلق عليكى ويعرف قد ايه انتى رقيقه ومرهفه.

7-
الشباب نقطة ضعفهم الماديات لما تتفتح مواضيه الجواز قدامك .. قولى ان اهم
حاجه يكون فى تفاهم والماديات دى امش مهمه خالص كل شىء ممكن ييجى بعد
الجواز واحد واحده .... ساعتها هو هيقدرك اوى وهيحترم تفكيرك.

8-
الشاب يحب اللى ينفخ فيه وينافقه ... طول مانتى قاعده كلى عقله بكلمتين ..
قوليله طول مانت قاعد فى المكتب بكون حاسه بالامان لما بتغيب يوم ومتجيش
الشغل كله بيقف و المكتب بيبقى مضلم .. هتلاقيه كده اتنفخ فى قعدته وقرب
ينفجر ( كده تفهمى انك اكلتى عقله )

9-
لو انتى مش حلوه اوعى تقلقى ، شوفى واحده صاحبتك تكون حلوه والزقيلها روحى
معاها كل مكان هتلاقى الشباب كلهم بيحوموا حواليها ( من جاور السعيد يسعد
) يمكن شاب يقع فى غرامك ومراية الحب عميا زى مانتى عارفه

10- رغم كل شقاوتك ومغامراتك العاطفيه اوعى تحكى له عن اى حاجه منها فهميه دايما انه اول واحد فى حياتك وهو الاول والاخير . ( و اهو كله بيطلع فى الغسيل )

11- لما يتصل بيكى اوعى تردى عليه من اول اتصال ، سبيه يرن شويه عشان يعرف قيمتك لازم تتقلى .

12-
لو امه لسه عايشه اعصرى على نفسك لمونه وقوليلها يا ماما اوعى تقوليلها يا
طنط ( لان الامهات مسيطره ع الشباب تماما الايام دى عايزه تكسبى الشاب
اكسبى امه الاول ، ابقى قابلينى لو عرفتى البنات عنست Smailes90

)

13- اضحكى عليه وقوليله انك تعبتى من كتر المعاكسات فى الشارع وفى التليفون عشان يعرف ان معجبينك كتير وهو هيرو عشان قدر يفوز بيكى .

14-
اوعى تندهيلوا باسمه لازم تبقى مختلفه اى اسم دلع يليق عليه ( ميدو ، مودى
، حماده ، صاصا ) ولو احتارتى خالص ومش لاقيه اسم دلع يناسبه قوليله يا ((
كوكو)).

15-
اهتمى بجسمك اوى لانه من اهم الحاجات اللى بتجذب الشاب ليكى يعنى لو سمينه
او نحيفه اتصلى بزيرو تسعميه خط الرشاقه وشدى او اشفطى او سلكنى او اعملى
اللى هيقولولك عليه ، سعر النفخ ثابت سعر الشد ثابت اينما كنت ، اتصل الان !! البنات عنست Smailes90

16-
اعرضى عليه مميزاتك عرفيه انك شاطره فى الطبيخ حتى لو مبتعرفيش تسلقى بيض
، وفهميه انك بتساعدى مامتك فى شغل البيت حتى لو انتى جبتيلها شلل من عدم
سماعك كلامها .

17-
هزرى معاه و قوليله هات بطاقتك عشان اشوف صورتك والقطى تاريخ ميلاده ،
ويوم عيد ميلاده هاتيله دبدوب و ورده على اساس انك رومانسيه وقوليله (
هابى بيرث داى ) بلاش تقولى كل سنه وانت طيب بالعربى احنا مفهمينه انك بنت
كلاس اوعى تنسى .

18- لو عملتى كل اللى قولتلك عليه وفشلتى يبقى الواد ده مرتبط ومش عايز يقول او ممكن يكون مالوش فيها (الصراحه راحه على رأى مروه) ساعتها اوعى تيأسى ارجعى تانى لدراسة الجدوى اللى كنتى عملاها وشوفى غيره ماهم ماليين البلد .

من طرف **نجم الدين** الخميس ديسمبر 23, 2010 8:37 pm

8-
الشاب يحب اللى ينفخ فيه وينافقه ... طول مانتى قاعده كلى عقله بكلمتين ..
قوليله طول مانت قاعد فى المكتب بكون حاسه بالامان لما بتغيب يوم ومتجيش
الشغل كله بيقف و المكتب بيبقى مضلم .. هتلاقيه كده اتنفخ فى قعدته وقرب
ينفجر ( كده تفهمى انك اكلتى عقله

من طرف **domo3 el w2rd** الخميس ديسمبر 23, 2010 9:49 pm

هههههههههههههههه احمد لا افكارك بجد حلوة ياريت يا بنات تعملوا بيها هتنفهكم ... احمد اما انت عندك الافكار دى مقولتليش لية كدة من زمااااااااااان اخص مش هدخلك مواضيع تانى بس البنات عنست 663940

ههههههههههههه تقبل ودى

من طرف **غرام** الجمعة ديسمبر 24, 2010 1:28 am

والله يا أحمد هيك يلي بيصير
بس يلي ما بدو يانا ما بدنا ياه والبنت بتحب الشب يختارها مو تركد وراه وبالأخير كله قسمة ونصيب

من طرف **زينة العيون** الجمعة ديسمبر 24, 2010 1:49 am

يسلم اناملك احمد ع مواضيعك العسسسل

تحيااااااااااتي واحترامي ياازمالكاوووي

من طرف **domo3 el w2rd** الجمعة ديسمبر 24, 2010 6:20 am

ايوة صح انا مع غرام الولد لما يلاقي البنت بتجري وراة يبقي خلاص راحت عليها لازم هو الا يجري وراها اومال اية هو احنا شوية هههههههههه

مواضيعك زات هدف احمد
اللهم اجعلها فى ميزان حسناتك
تقبل مروووووووووورى

من طرف **lord ahmed2** الجمعة ديسمبر 24, 2010 2:16 pm

منور الموضوع يا نجم الدين

من طرف **lord ahmed2** الجمعة ديسمبر 24, 2010 2:17 pm

يلا يا دموع اهو نعمل خير فى البنات بدل ما يعنسو و لالالا متزعليش لو عوزة عريس اجبلكهوة انتى اى حد هههههههههههههههه انتى مع غرم لية كدا منتى كنتى مشية كويس اهو العريس طفش عنسى بئا خلى غرام تنفعك البنات عنست 663940

من طرف **lord ahmed2** الجمعة ديسمبر 24, 2010 2:20 pm

طبعا عندق حق يا غرام من حبنا حبناه وسار متعنا متاعو من كرهنا كرهنا يحرم علينا اكتماعو
وفعلا قسمة و نصيب منورة يا غرام

من طرف **lord ahmed2** الجمعة ديسمبر 24, 2010 2:21 pm

منورانى يا زينة يا عسل يا زملكاوية

من طرف **lord ahmed2** الجمعة ديسمبر 24, 2010 2:25 pm

مرسى على مرورك الى منورنى يمن يا ماما ورد

البنات عنست

البنات عنست

رد: البنات عنست

رد: البنات عنست

رد: البنات عنست

رد: البنات عنست

رد: البنات عنست

رد: البنات عنست

رد: البنات عنست

رد: البنات عنست

رد: البنات عنست

رد: البنات عنست

رد: البنات عنست