بعد فتره .. !!

من طرف **lord ahmed2** الثلاثاء ديسمبر 07, 2010 4:06 pm

بعد فتره
تلاقى نفسك كده مش عارف تعيش
مش عاوز تعيش
ده انت حتى مش بتاكل عيش .. عاوز تعيش ؟؟

بعد فتره ..
لما تحس ان مفيش احساس
ولا من حيوان ولا حتى ناس ..

انت فاكر نفسك إنسان .. ده انت جبان
ده انت أجبن من الفار فى جحر التعبان
ياعم روح .. ده انت حيوان !!

بعد فتره ..
مفيش كلام .. وانت فاكر نفسك تمام
وانت ولا حتى عارف تنام

بعد فتره ..
ملكش نفس تتنفس
ملكش جسم يتشمس
معندكش حتى فكره .. فى دماغك بتعشش

بعد فتره ..

لما تعرف انك عايش فى فيلم
لا إنت البطل ولا حتى طالع فى حلم
وعلى أفاك .. الشياطين تعيش العلم

بعد فتره ..
عاوز تفكك من نفسك
طب شوف تربه الله يخليك .. إدفن فيها نفسك

بعد فتره ..
تلاقى نفسك مش عارف .. كتبت إيه وليه كتبت ..
مش قولتلك .. إعمل نفسك ميت ..!!