اكذب على نفسي

من طرف **بسمة امل** الأحد أغسطس 22, 2010 10:24 pm

أكذب على نفسي إذا قلت بنساك
وأكذب عليك إن قلت لك روح مابيك

أزعل واعاند وابتعد وتشحداك
يومين والثالث بصوتي اناديك

يجيبني ( شوقي ) و( حبك ) وذكراك
و( همسك ) و( ضحكك ) و التدلع ) وطاريك

من كثر حبي لك ومن كثر ما أبغاك
حتى وانا ( مجروح ) بالحيل أداريك

اتحمّل جروحك وأدوّر على ارضاك
وأمشي على كيفك وأتابع خطاويك

أضحك لضحكاتك ويبكيني ابكاك
ويضيق بالي لا لمحت ( الحزن ) فيك

ماتدري أن ( الروح ) و( المال ) يفداك
وأن (السعاده) كلها بين أياديك

لو شفت حالي يا ( الغلا ) عقب فرقاك
ماغبت عن ( عاشق ) جنابك ومغليك

( عاشق ) كتب ( قصة غرام ) بزواياك
وابدع بوصفه في كتابة معاليك

يسهرك ليل ان مر فالبال طرياك
ويلبسك حزن أن جات ذكرى لماضيك

تعال خل ( الهجر ) لا يضيع مبداك
وأرفق بقلب كل ليله يناجيك

قلب شكى همّك وضيمك وبلواك
وجروح تنزف من سبايب تجافيك

خلاص يكفي ( هجر ) عوّد لمرباك

مدامني بالحب للحين شاريك

( الوصل ) نعمه و(الجفا ) يفرح أعداك

أظن هذي كلمة من مباديك

ان قلت لك بنساك ما والله أنساك

وأن قلت لك ما أبغاك لا والله أبغيك

من طرف **نجم الدين** الخميس سبتمبر 02, 2010 4:34 am

اكذب على نفسي

اكذب على نفسي

رد: اكذب على نفسي