{مدرسة الحياة}سلسلة 1

"فى مدرسة الحياه اتعلمت حاجات كتير
شوفت اللى عاش فقير وفى الاخر مات امير
عشان كان عنده حلم بس شبه مستحيل
قدر يحققه مستسلمش للبديل"
مدرسة الحياة: الحياة مدرسة طول ما احنا
عايشين فيها هنفضل طلبة بالمرايل
وشايلين شنطنا
وفيها كرارسنا
وفي المدرسة دي اول حاجة اتعلمتها
انا اي حلم احلمه عمره ما يكون
مستحيل لان بالاصرار الارادة
تقدر تحقق كل اللي انت عايزه
حتي لو بدأت من الصفر
**********
"احساس جميل لما توصل وتكسب والناس بتكدب عشان توصل هتتعب
لازم تفضل صاحى ولما تيجى لك فرصه تركب متخليش حد يقف فى طريقك وتلحق
واللى حاول يشوشك يشتتك عن اللى انت واثق انه فى يوم هيسعدك متصدقوش
خليك اد كلمتك مستقبلك جوه قلبك ومتخليش حد يحبطك"
لما توصل لحاجة انت كنت بتحلم بيها من فترة وتلاقيها
في الوقت دة بين ايديك
دة احساس عمرك ما هتحسه في حياتك كلها
احساس عامل بالظبط كأنك ربنا رزقك بولد"بنت"
هيشيل اسمك بالظبط اللي انت حقتته دة كمان هيشيل اسمك
وفي طريقك هتلاقي ناس كتير مش عايزين يشوفك توصل
للي انت حلمت بيه
هتلاقيه بيقولك كلام كتير علشان يحبطك ويخليك تحس انه مستحيل اللي
انت عايزه يتحقق
الانسان دة متدلوش ودانك لانه مش عايز مصلحتك
اللي عايز مصلحتك هتلاقيه بيشجعك
وعلي فكرة اللي انت حاسه في قلبك هو اللي تمشي وراه
*******************
"ولو وقعت مره حاول مره كمان عشان احنا فى زمان الضعيف مالوش مكان
ركز يلا وانجر مفيش وقت للكلام .. ده حتى الاكل مالوش طعم لو مكنتش جعان"
الاستسلام: اول طريق الفشل وكمان لما تستلم من مرة ولااتنين ولاحتي عشرة تبقي انسان ضعيف
وفي زمنا دة الضعيف ميعرفش يعيش
مفيش وقت انك تندب حظك شوف ايه اخطائك والمرة الجاية تبعد عن الاخطاء دي
***************
"الحياه زى المدرسه وفيها كتير مدرسين .. والباقى تلاميذ مش عاجبهم الروتين
اللى بقوا مهندسين واللى بقوا مجرمين .. منهم الحقيقى والمزيف بوشين"
وطول ما احنا في حياتنا هنلاقي كتير ناس
تفيدنا وتعلم في حياتنا
وكل الحياة فيها الحلو وفيها الوحش
المهم انت عايز تبقي ايه
*******************
"مدرسة الحياه وده ميعاد الامتحان وزى ما واحد صاحبى قالها من زمان ..
الحقيقه مسيرها تبان وهنعرفها مع الايام
والله والايام عدت اوام .. ياما شوفنا سوا وكبرنا اوام
فى مدرسة الحياه ..
بتعدى بينا وتلف بينا ايام
بتعدى بينا وتلف بينا ايام ..واحنا تلاميذ فى مدرسة الحياه
فى مدرسة الحياه "
كل دقيقة في حياتك اعتبر نفسك في امتحان وعايز تنجح فيه
لان الحياة هتجري بيك ولا معملتش فيها حاجة تنفعك العمر هيجري بيك
وهتلاقي نفسك واقف زي مانت وناس كتير عدوك ووصلوا اللي هما عايزنه

********************
1.
سلسة كلمات
بنستفيد منها
ونتعلم منها
ونحاول نعمل بيها

من طرف **ازهار** الجمعة سبتمبر 03, 2010 9:53 pm

كل دقيقة في حياتك اعتبر نفسك في امتحان وعايز تنجح فيه
لان الحياة هتجري بيك ولا معملتش فيها حاجة تنفعك العمر هيجري بيك
وهتلاقي نفسك واقف زي مانت وناس كتير عدوك ووصلوا اللي هما عايزنه
الله عليك يا ميدو بجد موضوع روعة
تفبل مروري