ادخل وقول يومك كان ازاي في رمضان؟؟؟

الاول اقول السلام عليكم ورحمة الله وبركاته وكل عام وانتم بخير يارب ويارب دايما موجودين معانا ومش تمشوا زي ناس كده ههههههههههههههههههههههههههه انا سعيد جدا اني رجعت هنا مرة تانية مع ناس اكتر من اخواتي وبتكلم بجد والله مش مبالغة


المهم ان كل واحد يدخل يقول هو كان بيعمل ايه في يوم رمضان وانا اول واحد هبدا

هبدا من السحور كنت بتناول السحور وبعدين اروح اصلي الفجر وبعدين بعد الانتهاء من صلاة الفجر كنت بقعد انا واصحابي وبعض المشايخ نقرا قران لغاية الشروق وبعدين نصلي ركعتين الضحي

بعدين كنت برجع من المسجد واقرا قران في البيت حوالي ساعة ونص وبعدين انام اقوم قبل الظهر بنص ساعة كده


وبعدين اروح اصلي الظهر واقعد في المسجد اقرا قران مع نفسي لغاية العصر وبعدين افضل قاعد بعد صلاة العصر في المسجد وبردو اقرا

قران حوالي ساعة او ساعة ونص وبعدين ارجع البيت وبصراحة كنت بفطر الاول وبعدين اصلي المغرب جماعة مع ناس بردو بيفطروا

الاول وبعدين نصلي العشاء وبعدين التراويح"القيام" وبعدين اروح البيت اقرا قران حوالي ساعة وكده وبعدين انام واقوم علي السحور وهكذا



ده كان نظام يومي في رمضان خلال ال 20 يوم في رمضان وبعدين اعتكفت في ال 10 ايام الباقيين وبصراحة الاعتكاف جميل جدا

كنا ننام بعد صلاة العشاء ونقوم الساعة 1 نصلي التهجد وبعدين نتناول السحور وبعدين نصلي الفجر وبعدين نقرا قرا واذكار الصبح وبعدين

ننام ونقوم الظهر بصراحة ايام لا تنسي والله ايام جميلة فعلا والحمد لله عملوا مسابقة قران في الاعتكاف وطلعت المركز الثاني وطلعت انا

وواحد صاحبي احسن اخلاق واخدنا جوايز علي كده وعملنا حفلة جميلة في المسجد بمناسبة انتهاء الاتكاف وكان التكريم في الحفلة دي ومع كل هذه السعادة الا اني

كنت حزين جدا علي فراق رمضان وكل شويه اتفرج علي الفيديو والصور اللي صورتها بالموبايل في المسجد بصراحة ببقي حزين جدا


بس المهم ان ربنا يتقبل منا صالح الاعمال والحمد لله ختمت القران 3 مرات


انا عارف اني طولت جدا لكن اعذروني فانني لا استطيع ان اقف صامتا

موضوع رائع اخي

كنت ابدا يومي بصلاة الفجر

وارجع انام واصحي الساعة 9 للشغل وارجع الساعة2 مساء

ازهب الي المسجد اقرا قران لغاية العصر ومن العصر لغاية المغرب وبعد صلاة العشاء اجلس علي النت لغاية السحور
بس خلاص

اليك يا نجم الدين احرف اهدائي من دماء قلبي واني لو سطرت لك اجمل الكلمات واعذبها ما وفيتك حقك


واتمني انك تكون صديق جديد ليا هنا