أقوال خاصة بالأب المصري و الأم المصرية !!

من طرف ???? السبت نوفمبر 20, 2010 9:46 am

يتميز الأب المصري و تتميز الأم المصرية بأقوال فريدة من نوعها ,,, يعني مينفعش حد يقولها غيرهم وطبعا الأقوال دي موجهة لحضرتك ,,, فبمنتهى الهدوء و من غير كسوف إختار الجمل اللي سمعتها بنفسك من والدك أو والدتك ,, متخافش منتدى ياسرهيكون ستر و غطا عليك , محدش هيعرف غير حوالي مليون أو مليون ونص شخص بس !!!نبتدي على بركة الله ,,,

جتها نيلة الى عايزة خلف تيجى تتفرج امشى جاتك مشش فى ركبك ذاكر ياموكوس مش فالح غير فى الهيافه والكلام الفاضى

هو ده اللي انت فالح فيه طول اليل والنهار قاعد علي الزفت الكمبيوتر بتاعك لحد مهيجلك تخلف عقلي منه

كل يوم هات هات لمة ربيتلى الهتهات (الحاج طبعا) مع انى مش عارف اية الهتهات ده بس ماشية مع الجملةهتذااااااااكر هتاخد عنية مش هتذااااااااااكر هتاخد بالجزمة (هو فى غيرة طبعا الحاج)أوعا حد يضحك عليك ويقولك جرب السيجارة ديابقى ورينى مين حينفعك فى الاخر من شوية الصيع الى انت مشيلى وراهم قوم اقرا لك كلمتين ينفعوك

ياريتك تحفظ دروسك زى مانت حافظ الاغانى لو شفت خناقه ما لكش دعوة بيها كريم دا عيل بايظ وماتمشيش معاه تاني "معلش يا كريمه"قومي ساعدي امك ده اللي هيتجوزك أمه داعية عليه يا ابني حرام عليك الى بتعمله فينا ده انا سايبالكوا البيت وماشية ومش حتشوفوا وشي تاني لمى هدومك انتى مش عايشة فى زريبة بكرة اشوف بيتك هيبقى ازاى خرابة طبعا وانت فاكر احنا مستنيين منك حاجه المسلسل مش هينفعك ...قوم كفايه رغي في التليفونات كل على مهلك .. وامضغ كويس ... وما تكلش وانت واقف .. وكل من قدامك ما تحفش بلاش تمشى حافى البس شبشب وانته داخل الحمام ما فيش مذاكرة على المزيكا .. وازاى بتذاكر و البتاع ده شغال جنبك افرد ظهرك لم شراباتك ماتكلش فى ضوفرك

كنت فين لحد دلوقتى يا صايع انا مش عارف انته طالع لمين موووت لمـا يــــــخدك ادلعى يا هبة فى ايامك المهببة ده منظر اودة بني آدم ، انت عايش فيها ازاي؟هو انا الخدامه الى ابوكم جبهلكم .الى يطلع من الاوضه يطفى النور وراه أبوك عندك أهو اتصرف معاه لو مش فاهم حاجه ارفع ايدك و قول للأستاذ مش فاهم .. متتكسفش البس فنله قطن تحت ودفي سدرك ودخل التيشرت في بنطلون البيجامه وانته نايم يأبنى المذاكره مابتخلصش .... نفسى اشوفك مره ماسك كتابقالب ليلك نهارك طول الليل صاحى وطول النهار نايم طبعاً ما حضرتش ولا محاضرة ولا سكشن , وطول اليوم صايع بره البيت مالكش دعوة بالسياسة .. وماتمشيش في مظاهرات .و امشي جنب الحيط ... اقولك شق الحيطة وامشي جواها

احمد ربنا الاكل الى مش عجبك ده فى ناس مش لقينه هأقطم رقبتك أو هأقطع ايدك أو هأقطع لك لسانك أو هأدبحك دبح قومي سخني الأكل لأخوكي ابوكم كان دايم بيطلع الاول على الفصل... لما كلهم كده امال مين الى بيطلع الاخيرانا مش الخدامه اللي اشترهالكوا ابوكوا اللي ياكل في طبق او يشرب في كباية يغسلها ما يركنهاش في الحوض

__________________

مصر سنة 2100أقوال خاصة بالأب المصري و الأم المصرية

أقوال خاصة بالأب المصري و الأم المصرية !! Funlokcom007mn9

أقوال خاصة بالأب المصري و الأم المصرية !! W2_6_10_2010_24_10

أقوال خاصة بالأب المصري و الأم المصرية !! T7E0

من طرف ???? السبت نوفمبر 20, 2010 10:50 am

هو ده اللي انت فالح فيه طول اليل والنهار قاعد علي الزفت الكمبيوتر بتاعك لحد مهيجلك تخلف عقلي منه
هههههههههههههههههههههههههههههههههههههههههههههه بلطج تقريبا انت عايش معانا فى البيت
ههههههههههههههههههههه موضوع روعه روعه روعه ومجهود رائع تسلم يا غالى

من طرف **محمد الطيب** السبت نوفمبر 20, 2010 11:00 am

والله زى ما تقول كده انا سمعت كل ده مليون مره

من طرف ???? السبت نوفمبر 20, 2010 2:10 pm

ههههههههههههههههههههههههه

بلطج في الحقيقة هي اقوال جميع الاباء والامهات في العالم مش بس المصريين
لكن الفرق في الطريقة والاسلوب فقط ويمكن في عدد الي الكلمات Smile

من طرف ???? السبت نوفمبر 20, 2010 3:10 pm

جتها نيلة الى عايزة خلف تيجى تتفرج امشى جاتك مشش فى ركبك ذاكر ياموكوس مش فالح غير فى الهيافه والكلام الفاضى

هههههههههههههههههههههههههههههه

دا كلام ماما ليا

تسلم بلطوجى دائما تاتى بلجديد الراااااائع

صباحك ورد

Embarassed

من طرف **زينة العيون** السبت نوفمبر 20, 2010 6:03 pm

بلطج يسلم كلامك العسل ياملهمي

وبالمصريه احلى كلام واجمل لهجه

تقبل مروري ياااغالي

من طرف **jamaledin** السبت نوفمبر 20, 2010 7:06 pm

والله كلام حلو يابلطج

تعرف انو كلام فالصاميم

بس حلو وانا بحبو بلطج انت ممثل ولا ايه يعم

تقبل مروري يا بلطوجي

جمال الديــــــــــــــــــــــــــــــــــــن