هو انت لسه بتسال ياحبيبي .................!

بتسأل ليه يا حبي
ليه البعد؟ واية ذنبي؟
عارفة اني جرحتك المتك
ويمكن اكون ظلمتك وبيعتك
بس صدقني عمري ما خنتك
حبك لسه في قلبي
مانسيتك لحظة ويشهد عليا ربي
بس غصب عني
مكنش اختياري
اعيش واعيشك في ناري
ليه حرموني وعذبوني
ليه يظلموني وهم بيحبوني
أهلي….أيوة… وبحبهم
أهلي ايوة ومقدرش استغني عنهم
وبردو مقدرش ابيعك واعصيهم
بس عمري مانسيتك ولا حقدر انسى
انت حب عمري وعشانك عايشة
انت الامل اللي به قادرة
ايوة لسه عايشة
بس من غير قلب
بس من غير حب
بس من غير نبض
بقابل ناس واكلم ناس بس من غير احساس
ما انت غبت يا كل الناس واخدت مني الاحساس
انت اللي خليت لحياتي معني
انت اللي ضمتني في حضنك
انت اللي طمنتني بقلبك
انت اللي خلتني احبك
ايوة لسة بحبك
وعايشة بحبك…بيك وليك وعشانك
بس اسفة غصب عني البعد
اسفة مقدرتش اصد
اسفة معرفتش احب
حد تاني غيرك
وازاي وانت الحبيب
ومن قلبي دايما قريب
انت روحي وعمري
انت نبض قلبي
يمكن تكون هي دي الخيانة
لكن مش ليك بامانة
دي خيانة له هو
ايوة …..هو
هو اللي بعدني عنك
هو اللي جرحني وجرحك
هو اللي ظلمني وظلمك
هو اللي عارفني وعارفك
وعارف اني لسة بحبك
وعمري ما انسي قلبك
صدقني يا حبي
ومتسألش ليه قلبي
قلبي باعك وغدر؟؟
ده قلبي عمره اتهدر
في غياب وبعد وسفر
حب وعيش من تاني
انسي حبي وانساني
انسي قلبي وحناني
حاول تكون سعيد
ومهما تبقي عني بعيد
حبقي سعيدة اكيد
انك بتبدأ من جديد
مع حب صادق وحاني
مع قلب مخلص مش اناني
بيحب من غير ما يسأل
بيدي من غير مقابل
يقدر يسعدك ويحميك
يقدر يضمك ولا يبكيك
يقدر يداوي جراحي
يقدر يخلصك من حبي
حبي اللي دبحك وظلمك
حبي اللي المني والمك