خلطه رهيبه لتطويل الشعر وعلى ضمانتى

من طرف **الزهراء** السبت يناير 21, 2012 2:22 am

خلطه رهيبه لتطويل الشعر وعلى ضمانتى

السلام عليكم ورحمه الله وبركآته ..

ازيكم يارب تكونو تمام ..
والله الوصفه دى كلمه " رهيبه " قليله عليها عن تجربتى وخليت صحباتى جربوها حلفو بيها

بصو الوصفه عارفين عباره عن إيه بس ماتتخضوش ههههههههههه تلاقى فى ناس عرفاها وفى لاء بس انا حاقولكم ..

" ثوم - بصل " فقط لآ غير ... آهآ والله ...

المهم يا بنات الوصفه دى حاقولكم
بتتعمل إزاى .. حاتبقا صعبه شويه بالنسبه للمتجوزين بس حاقولك ماتخافيش فى
وصفه حاتضيع ليكى الريحه وإعمليها فى عدم وجود جوزك فى البيت لايفكرك
بتعملي ملوخيه ولما يكتشف الحقيقه إنك بتعملى التقليه دى لشعرك يلطشك على
افاكى وابقى انا السبب طبعاً ده لانى عارفه اد ايه الرجاله بتحب الملوخيه وفى العكس بردو بس نادراً ههههههههه

يالهوي ع الرغي هههههه زمانكو بتشتموني ..

" تم إضافه صورتين لشعر فتاه جربت الموضوع "

دى صوره شعرها وهو متضفر لانها صورتو وهو مفرود وماعرفتش تجيب اخره مع
الكاميرا لما جربت .. ف طبعاً كلكم عارفين ان الضفيره بتلم شويه وكمان
ماعرفتش جيب أخره هنا الله يخليكم قولو ماشاء الله ..

تعالو ع الطريقه الى بتعملو بيها الوصفه بقى ..
بتجيبى راس توم على راسين بصل ...
قطعيهم حتت صغيره كده كلهم حتى التوم .. وحطي كوبايه ميه جنبك وتعالى ع
الخلاط افرمي ده كله ف الخلاط او الكبه عشان ريحه الخلاط والعصاير ماتلقطش
وكده ... اطحنيها ف الخلاط بشويه ميه عشان تمشي لما تبقى عامله زى الميا
البيضا كده وصبي فى حاجه بلاستك لغايه لما تخلصى الكميه خالص تعالى بقى ع
شعرك يا فتوكه وحطى فيها الخلطه دى من جذوره لأطرافه وطبعا مش حاقولك تتوصى
بالأطراف ازاى ده انتى تشبعيها وتشبعي اللى جابوها كمان .. واهم
شــــــــئ الاطراف بردو عشان التقصف ..
طبعاً مش حاقولكم انا ع الثوم وفوايده للشعر ده بيزرع شعر يبقى مش حايطوله .. ؟
المهم يا بنات انتو بعد ما
بتنغنغوا شعركو بقى بالخلطه دى بتقومو لفينه كده كحكه وماتشديهاش اوى عشان
الميه ماتتعصرش منه اوى وحطى كيس ولفيه ع شعرك وفوقه طرحه والبسى حاجه
مستغنيه عندها ع افاكي عشان لما الميه تسقط ع افاكى ماتضايقيش لانها حاتبقا
ملزقه وريحتها توم وطبعا الوصفه دى عايزه " إراده - قوه تحمل " اللى ما حاتقدر تستحمل بلاش تعملها عشان ماتدعيش عليا وانا والله العظيم مجرباها وفايدتها فوق الروعه ..

الوصفه دى بتكرريها مره واحده بس كل 3 شهور إوعو حد فيكم تطق فى دماغه يعملها كل اسبوع ولا حاجه عشان الشعر
يطول بسرعه لالالالالالالالالالا ده انتى كده حاتبوظى الدنيا وشعرك بدل
ما يطول حايقع وحاتبقى قرعه .. الثوم حامى هى مره واحده بس كل 3 شهور
وبتسيبيه على شعرك 6 ساعات .. ايون 6 ساعات
ماتستغربيش وبعد كده بتغسليه ومعلش بيغلب فى الغسيل بس برده استحملى ولما
تشوفى النتيجه حاتعرفى ان تحملك ده جه بفايده فى الاخر ..
برده للمعلومه لما بتعملى الخلطه دى اول نص ساعه بتبقى ف
شعرك قورتك بتحرقك من قدام شويه معلش هي نص ساعه بس والحرقان حايروح خالص
ده لان التوم بيبقى حامى شويه ع المنطقه دى ..

النتيجه مش بتبان من اول مره لاء من 3
مره .. انا هما 9 شهور وشعرى طول والله العظيم جداً ماشاء الله لدرجه انى
ببقى لابسه البدى وشعرى بيبقى سابق طول البدى " ماشاء الله "

للمعلومه " الوصفه دى غير تطويل الشعر .. بتكثفه .. بتنعمه .. بتخليه بيلمع اوووووووووووووووووووى وبيرخ كده .. وبتمنع تسااااااقطه .. وبتطير الشعر البااااااااااااايظ يعنى ماتتخضيش لو لاقيتي شعر واقع منه ولا حاجه لو ركزتي فيه حتلاقيه بايظ "

وبرده ممكن تنامى بالوصفه دى زى ما كنت بعمل بس ببهدل طبعاً المخدات لما
بروح ف النوم واصحا بعد 6 ساعات اغسلو .. ماتزودوش المده عن 6 ساعات هااااا

تعالو بقى ع الطريقه الى بتضيع ريحه التوم

هاتى كوبايه ميه ودوبى فيها 4 معالق نسكافيه وأدلوقيها ع شعرك وغرقيه كله وسيبيه ربع ساعه او عشر دقايق وبعدين إغسليه ..

بحبكو اوى يا بناويت والله هى البوسه فييييييييييين استنو ادور عليها مفيش بوسه دي ماشيه حلو هههههههههههههههه

استنو بقى اصدمكو ههههههههه " يارب إللى ماتقيمش الموضوع شعرها مايطولش هههههههههههههههههههه " بهزر والله اوعو تغزوني هههههه

طريقه أخرى وأسهل من طريقه النسكافيه حاتخلى ريحه التوم ماتبنش بعد ما تغسلى شعرك من التوم
طبعا إتفقنا ع الطريقه بتتعمل إزاى ,, اللى انتى حاتعمليه إنك بتضيفى ع
التوم والبصل وهو بينطحن فى الخلاط المكونات دى " معلقه خل + معلقه عسل
أبيض + 3 معالق خردل " والخردل ده بتجيبيه من عند العطار ويستحسن تجيبيه
مصحح يعني مش مطحون لنتيجه أفضل ,,

يلا فوتكم بعافيه يا قمرات