يا قلبى ليه بتضحك وانت حزين

يا قلبى ليه بتضحك وانت حزين ؟

يا عيونى ليه بسمتك حاسسها أنين ..

الدمع فيها حاير.. يستخبى فين ؟

يا ناس مش كل الضحكة الحلوة ..

تبقى برنين ..

أوقات الضحك يبقى أمر م البكاء

والدمعة م الفرح تسيل ع الخدين ..

أما أنا .. شايل همى بين ضلوعى .. وصابر

ماشى بقلبى .. ينزف دم يروى جناين

والعقل م الفكر حاير ..

كل ما يهرب من همه

يلاقى الحجر عليه .. داير

ويصبر ف نفسه .. لما عمل م الصبر ضفاير

يا ترى يا دنيا فيكى أمل ؟

ولا أنا بالوهم متغمى ؟

شايل هموم الناس ..

وأنا مين يشيل همى ؟

داويت كتير فى جروح ..

و أنا مين يداوى جرحى ؟

يا ما صبرت قلوب ..

و أنا مين يصبرنى .. ؟