سنين العمر

من طرف **بسمة امل** الأربعاء أغسطس 04, 2010 12:22 am

سنين العمر مبتقبلش تتقسم

صحيح يمكن تشوفها فى يوم بتتبسم

لكن دوَّر كده جواك

وفتش عن ماضيك / تلقى

جراح ماسبتش لو حِتة

فى قلبك / مش بتتألم

.....

وانا لسه فى أول بيت

مكملتوش

ومش عارف راح أكتب إيه

وانا إيه عندى أكتب فيه

غير إن أحكى وأقول عنك

يـــااااه ...

كلام لسه مخلصتوش

وحلم عشقته مـالمستوش

وفرحة جيت أخبيها

ورا ضلوعى ..

ورا خوفى ..

ورا حبك ..

لكن تاهت / ورا الأحزان

م انا أحزانى فى عيونك بنفس اللون

وصعب تلاقي فى شقوقها

ولو فرحة

ولا حلمى رأيته فى مره بالألوان

.....

ولسه قافلة ليه بابك

وانا عطشان

وليه سايبالى مجدافك

يخبط ويا موج البحر

وشيفانى

بموت غرقان

قوليلى سبتى فين قلبك

وفين ألقاه

ورافضة ليه تصرحينى

بجرحك / آاااه ....

أنا أملى

أشاركك كل أحزانك

وأعيش وياكى

مية حدوتة فى الجنة

ونتهنى

وألمس حب / أنا عايش ...

سنين العمر بتمناه

.....

ولسه قلوب بتتمنى

تلاقي الحب / وتعاشره

لـ يوم واحد

وإزاي يكون / ...

والحب عمره ما كان تمني

دا التمني يا حبيبتى

إنه فى قلوبنا يدوم

من طرف **نجم الدين** الخميس سبتمبر 02, 2010 5:52 am

سنين العمر

سنين العمر

رد: سنين العمر