العمر

من طرف **بسمة امل** الجمعة أغسطس 06, 2010 7:27 pm

سهران بفكر فى الدنيا ديا

وسرحت اكتر لقيتها هى

نفس الحكايه نفس القضيه

يومين يعدو والعمر يجري

وكله يحصل قدام عنيـــــا

وكانه فيلم ....لا مسرحيه

بطلها واحــد او حتى ميه

مش فارقه عندى النقطه ديا

بـــس المهم فصولها كــام

والفصل فيه كام حسنه ليا

...

تفكيرى تـــاه غفلت عنيــا

بس الغريب فضلت ايديا

تكتب كلام المســــــــرحيه

وتعيده بـــــدل المره ميه

تشوف تــدور فى السطور

على غلطـــه كانت مختفيه

يمكن تخلى الضلمه نور

وساعتهـــــا نسلم م الاذيه

وابنى بايــدى الــف سور

بينى وبيـــن الغلطــه ديا

مش كبرياء ولاكان غرور

والله بس دا حسن نيــــه

يا رب مش عاوز قصور

ده كفايه بس رضاك عليا

لو ذنبي كان قد البحور

هملاها توبه بدموع عنيا

....

وقــع القلم وقفت ايديــــا

نــــزل الستار غطى عنيا

ملحقتـــــش اكتب الوداع

ملحقتش انهى المسرحيـه