حوار الاقلام

حوار بالشعر اقترحته الاخت حلا

الموضوع مكرر لكن الاقلام مختلفه

ارجو ان ينال اعجابكم وان تتفاعلو معنا

الحوار بشعر العاميه

نبداء الحوار

وبما ان الاخت حلا صاحبة الفكر

ح يبدأ الحوار معها



سافرت فوق الموج والموج من دمعي

والنورس يرفرف ولفراق الاحبه يبكي

وانا من طبعي اكتم الاه جوايه ولورقي بس اشكي

تايه في بحر الدموع وتعبت العيون تبكي

يسعدنى ان اشارك معك متصفحك الاستاذ بهاء

(الطير المسافر)



الدمعة سالت علي الخدود وأتجمدت
وعيون تلوم
وأيدين تحوم
ووجوه كساها الوجوم
واتنهدت
قالت حبيبي حتغيب كتير
اصل وجودك بلنسبة ليا تحديد مصير

مقدريش أعيش ع الذكريات
مقدرش أعيش علي ذكرة الوقت اللي فات
ما ملكش غير ريحة هدومك
وبصمة شفايفك علي الكاسات

حتغيب كتير
اصل وجودك بلنسبة ليا تحديد مصير

انا من غربتي ح ارجع واطير

راجع لقلبك الكبير


ما انتي عارفه اني ملكك


واني في حبك اسير


وطيفك معايا فين ما اسير


بسمة شفيفك ضحكتك


فاكرك حبيبتي بكل خير


دمعك يا غاليه عليه غالي

جيلك انا امسح دموعك

يمسحه حبي وودادي

واحلف يا غاليه يوم لقياكي

اوهب العمر فداكي

وانور للسعد من تاني شموعك

منا اصلي في حبك اسير

وقربك حبيبتي احلا مصير

وايه يعـنـي تجرح وتغيب وتغدر وتخون ؟ .... وايه يعني تدوس ع البي ؟ .... وايه يعني تجرح احساسي ؟ .... وايه يعني تنسي وعودك ليه وتعبرتها مجرد هفوات ؟ ... وايه يعني تكون قاسي ماهو ده طبع الانسان ؟ .... وايه يعني انك راجل شرقي بقيم تقليديه ؟... وايه يعني تكتب ع حبنا الاعدااااام قبل المحاكمه؟ ... وايه يعني غرامنا وحبنا مجرد اوهام ؟....وايه يعني دموعي بقيت انهار ؟ ... وايـه يعني خيانتك كسرت كياني ؟ ... وايه يعني جفائك غير خريطه مشاعري؟ ... وايه يعني انت كنت في يوم من الايام نور حياتي وتاج الرجال وعشقي وكل الامان؟ ... وايه يعني انك جاحد وان صفه الوفاء مش من شيمك الكريمه؟ ... وايـه يعني مملكه حبنا انهارت ؟.. وايه يعني اني هونت عليك ؟ ... وايه يعني انا ماكنت ذكيه زيك معاك انت بالضبط؟ ... وايه يعني معاك بقيت ملاك بريئ؟ ...وايه ايعني افكارنا ومبائنا وقيامنا المشتركه كلها كانت سراب ؟...........وايه يعني بسببك كرهت الحب وسيرته ؟......ولاتفرق معاك ولاتغير نقطه من بحر كذبك ..... المهم اني البي بقي ملكي وغلطه حبك ح نساها وح كتب ع غرامنا تجربه ولازم اعيشها بكل ألامهـا ومعانتها !!!!!!!!!!!...........@زيـنـه

اما اقدرش اسيب اغلا الحبابه

وحتي لو كنتي في وسط غابه

حبك حبيبتي يحرسك

وطيفي معاكي يونسك

انا اقرب ليكي منك

وشايل حبيبتي في البعد همك

بعيوني ع البعد بضمك

بصي حبيبتي في الورق

ح تشوفي شوقي ولهفتي

قربك حبيبتي منيتي

ومهما طال بيه البعاد

ومهما لوعني السهاد

حبك حبيبتي احلا ذاد

وراجع حبيبتي عشانك انتي

والود ودي ليكي اطير

وامسح بحبي دمعتك

يا احلا قدر واجمل مصير

وحشتني جدا بسمتك

عمر


كتبت فأبدعت

اضاف مرورك للموضوع ابداع وروعه

حبيبتي يا زهره بريه

طالعه بعفويه

عطرها بيفوح

يروح هنا وهناك يرد الروح

شبفك كتاب مفتوح

اشوف فيه احلا ايامي

اعيش معاه اجمل احلامي

حبيبتي رغم البعد انتي هنا قدامي

نسمه في حر ايامي

همسه جميه كما نغم ناي

اسمعها افرح بيومي الجاي

واستنا يوم لقياكي

لجل ما اطير في سماكي

يشيل جناحي هواكي

الف معاه الكون

شيفك يا قلب حنون

يا اجمل اجمل مخلوقات الكون

من يومى عايش ليك وحياتى واقفة عليك
انا كنت اية قبلك انا وانا هبقى اية بعديك
خايف مع الايام تنسى اللى بينا اوام
واخاف الاقى فيك حجات زمان مكنتش فيك
يا حبيبى توعدنى امنتك امانة بلاش
منساش وانت ما تنساش
ولااتغير وتتغير
والدنيا متبعدناش
يا حبيبى توعدنى لو نبعد سنين وسنين
ونعيش ويا ناس تنيين
مفيش حاجة فى يوم تقدرتنسيك كان حبيبك مين
&&&
ازاى مخفش عليك وازاى اعيش غير بيك
د انا صعب تانى اعوضك وصعب تانى الائيك
دا اللى وعتك بية دا اللى حلفت علية
انا عمرى مرجع تانى فية
يا حبيبى توعدنى امنتك امانة بلاش
منساش وانت ما تنساش
ولااتغير وتتغير
والدنيا متبعدناش
يا حبيبى توعدنى
لو نبعد سنين وسنين
ونعيش ويا ناس تنيين
مفيش حاجة فى يوم تقدر
تنسيك كان حبيبك مين

ايوه حبيبتي اوعدك

واسف علي التأخير

انا كنت فاكرك رغم حبي

زيك زي اي بنات كتير

يهمك جنب وجودي الفيلا وخواتم السولتير

قولت اعمل عشانك فلوس كتير

مكنتش اعرف ان حبيبتي غير

وان قلبك كتير كبير


حبيبتي اسف علي التأخير

الغربه شدتني

وفلوسها طمعتني

اسف حبيبتي

عملت شر وكنت انا فاكره خير

لكن راجعلك يا حبيبتي اسرع من الطير

مش مهم فلوس كتير

يكفيني قلبك انتي

وقلبك انتي كتير كبير

وعد حبيبتي اشيلك جوه قلبي

وبعلو صوتي اقول بحبك

مش ح اخبي

دربك حبيبتي هو دربي

واسف علي التأخير

مدي ايدك قربي ورجعيني

تعبت حبيبتي في غربتي

ضاعت سنيني

بس انتي توعديني

مهما غيبت ما تسبيني

راجع حبيبتي يا نن عيني

واسف علي التأخير

يا احلا حب واجمل مصير

انا قلبي يا عمري مصدقك...وعينيا تملي مصدقاك
لو كنت يا غالي فين...هفضل أقول انا محتجاك

هعيش وأصبر عليك سنين...ده كفاية عليا العمر أعيشه علي ذكراك
حبك جوه قلبي ولاخر يوم في عمري قلبي معاك وملك هواك

منفسيش فحاجة غير بس أحس أنك ويايا واكون وياك
نفسي أنده عليك وميردش عليا كالمعتاد صداك

منايا عيني تقابل عينيك
وتحكيلها عاللي بيا وتحكيلي عينيك بشوق عاللي بيك
دانا بعمري كله حبيبي أفديك

قولي أسال مين عليك...والاقي فين أراضيك
بحبك ونفسي الاقيك
ويومها حتي قلبك اللي بينبض جواك

هاخده منك ومش هسمحله يكونلي فيك شريك
هعيش ليك وأصونك يا غالي وبروحي أفديك

ايوه حبيبتي افتحي للصبر بابك

واوعي تبكي ان بكيتي مستحيل ارجع عشانك

اصل دمعك عندي غالي

وبسمتك هي المني وكل امالي

واسئلي عني عيونك ح تلاقيني جوه ننك

اسئلي قلبك ح تلاقيني حته منك

انا عايش عمري ليكي

وحلمي ارجع والمس ايديكي

انا لما تتعبني حبيبتي غربتي

يمر طيفك تحلا تاني دنيتي

طيفك معايا زي ظلي

احكي معاه واناجيه تملي

اصلك انتي زي امي حضن دافي

من اصل طيب وقلب صافي

بين عنيكي تلملميني

وبنظرتك بتهدهديني


هو انتي لسه ح تاخدي قلبي

قلبي خلاص اصبح معاكي وعمري ليكي

واه لو تعرفي يا غاليه شوقي ليكي

ايوه حبيبتي اطمني

ولا الف انثي تهزني

وغيرك انتي ابدا ماليش

وعشانك انتي حابب اعيش

نامي حبيبتي واحلمي وما تقلقيش

حبك في قلبي شيئ كبير

راجع عشانك يا احلا حب واجمل مصير

ايوه حبيبتي جي ليكي

لجل ما يرجع ربيعي

لجل ما تضميني في نور عنيكي

جي حبيبتي بشوق سنيني

تمسح بسمتك حزني وانيني

ايوه حبيبتي انا عا يش عمري ليكي

والمني كل المني يوم التقيكي

جيلك حبيبتي كلي شوق وحنين

راجع عشان ما اعوضك تعب السننين

جي ارجع بسمتك

واسكن لوحدي في دنيتك

ودنيتك هي الاماني

واحلف حبيبتي اوهبلك كل زماني

وواثق حبيبتي انك عايشه عشاني

وواثق انك قدري وبسمة زماني

بكتبلك حبيبتي بقلم ما يخاف

من قلب رقيق شفاف

ماهو قلبي زي قلبك

ودربي هو دربك

جيلك حبيبتي واحلف بحبك

دانا كل حلمي في دنيتي

اعيش العمر قربك

جي لقلبك الكبير

يا احلا قدر واجمل مصير

ايوه يا قلبى مستنياك


اعيش باقى عمرى معاك

اعيش سنينى ادوب فى هواك

فاكر يوم ما سافرت

قلتلى يوميها راجع قلتلك ساعتها حاضر

روح وخد احلامى معاك

ويوم ما ترجع امانه ترجع

امانه تانى

ترد لى احلامى تانى

تغييب سنين تغييب ثوانى

برده لسه مستنياك

عينى باصه على الطريق

روحى من غيرك غريق

نفسى ترجع

نفسى ترجع وتنتشلنى من بحر هايج وزحام طريق

امبارح حلمت برجوعك

قلت اه

ياعمرى امتى امتى حا تنور شموعك

خدت منديلك فى حضنى جزء منك جوه قلبى

لاء يا قلبى

دا انت كلك جوه قلبى

ومستنياك

ايوه حبيبتي بكره راجع

لجل ما انسا المواجع

راجع لقلبك الحنون

شوقي حبيبتي وصل حد الجون


تتشابه حبيبتي كل الاسامي والعيون


تتشابه كل النساء


الا انتي يا قلب بهاء

انتي في عيونك سر وجودي

وبين ايديكي يخضر عودي

يرجع صبايا

وتزهر ورودي

ايوه يا غاليه بكره راجع

لجل ما انسا المواجع

لجل ما اعيش جنبك حياتي

ويلململي حضنك جزيئاتي

ونعوض سوي كل اللي راح

وتطبب بسمتك كل الجراح

راجع عشان يرجعلنا احلا صباح

راجع انا وليكي ح اطير

يا احلا قدر واجمل مصير

تواعدنا..

ان نبقى سوياً مدى الحياة
ان نجعل حبنا يفوق الخيال
ان نكتب قصة حبنا في كل مكان
ان نغسل قلوبنا من نهر العذاب
........
الفكره جميله تقبلوا مرورى ...... بلطج[list][*][justify][center]

قد تكون الحروف بلسما نبعثه لمن نشتاق اليهم ...ولكنها ليست بديلا عن رؤيتهم... فما اروعه من يوم ان يكون لك احباء في الدنيا... يبادلونك صدقا بصدق... ودعاء بدعاء ...فليس جمال الصباح في شروق الشمس فحسب... بل في شكر الله ان وهبنا احبة نعتز ونفتخر بهم

بلطج

اضاف مرورك للموضوع جمال لا محدود


تقبل مني باقة من اجمل الورود

مستنياك

تعالى ياله ده يوم منايا تدفن الاحزان معايا


تزرع الافراح فى قلبى تحصد الحب فى عيونى

تعالى ياله كفايه غيبه

كفايه غربه وسنين كئيبه

كفايه ليل ماله اخركفايه هم وحزن قاتل

كفايه غربه سنين طويله

امتى ياعمرى ها اتهنى بلقاك

ولااخر عمرى مستنياك


نفسى فى نظره تانى من عنيك

نفسى ادوب من لمسه ناعمه من ايديك


نفسى تسمع نبض قلبى بيناديك

مشتاااااااااااااااقه ليك

مشتااااااااااااقه ليك

محتاجه لك تدفى حضنى

محتاجه احس انك معايا

عليله وؤياك دوايا

تايهه من غيرك ياعمرى
تايهه والايام بتجرى

تجرى بيا تجرى بيك

تدوس عليا تدوس عليك

ومهما كان مستنياك يا عمرى

مهما قولت

ومهما اوصفلك حبيبتي

شوقي فاق كل الحدود

انتي يا وطني ومدينتي

لجلك تهون كل السدود

وعشانك انتي حتما اعود

انتي يا ضي القمر

يا احلا ما جاد بيه القدر

حبيبتي لازم تعرفي

فاض بيه الحنين

واليوم في بعدك بيمر سنين

عيوني لشوفتك مشتاقين

واحلف بضيك يا احلا ضي

ما ليكي ع الارض زي


انتي حبيبتي قلب طيب

وحب صافي

مافيش غير اسمك علي شفافي

وصبرك حبيبتي

جميل شايله علي كتافي

ايوه راجع كلي شوق المس ايديكي

ايوه راجع بس ليكي

كان نفسي اكون شاعر

واكتب عنك قصايد

واعمل عنك كتب املا جرايد

كان نفسي اكون رسام

وبريشتي ارسمك جمال فتان

والناس تقول دا عاشق

وفي عشقه كمان فنان


ايوه حبيبتي


عشانك ودي اعمل حجات كتير

ودي اوصف عيونك بسمتك

واحكي لكل الناس اد ايه في قلبي محبتك

والناس تتحاكا بقصة حبنا

والفرح يجمعنا يضمنا

حبيبتي عايش عشانك انا

جي حبيبتي اطمني

بحلم بيوم عيونك ما تضمني

جيلك بشوق كل السنين

واسمك حبيبتي ع الجبين

صورتك في نني

جيلك حبيبتي يا حته مني


جيلك حبيبتي امسح همومك

واسكن حياتك اعيش في يومك

جيلك انا بكره ح اطير

يا احلا قدر واجمل مصير

من بعيد سمعت صوتك

بيقولى طال غيابى عنك


طال بعادى وامتى اضمك

والله خايف يكون لقانا مستحيل



خايف اتوه فى وسط ليل من بعده ليل

لا يا قدرى

ماتقولش خايف قولى عارف

قوللى سامع صوتك ينادى قوللى لقاكى ده يوم ميلادى

قوللى جاى قوللى راجع

ما انت قلت انا بكره جاى

ومن يوميها

كل بكره فى عمرى عيد

كل بكره يتولد حلمى الجديد

كل بكره وانت طيب

كل بكره وانا لسه برده

مستنياك

ليه حبيبتي تقولي خوف

واحنا اتلاقينا من بين الوف

واللي جمعنا ربنا

يحمينا شوقنا وحبنا

انامن يوم سافرت يا عمري وانتي معايه


خطوتك تسبق خطايه

انتي ظلي في كل درب

وفي صلاتي بقول يارب

وادعي يقرب لقانا

عارف حبيبتي اني مقصر

لكن مش بايدي

يا نبض قلبي

يا دمي في وريدي


ايوه حبيبتي يوم لقاكي هو عيدي


بس حبيبتي انتي معايه فين ما كنتي


واكيد جي عشانك انتي

وينور ليلي بضيك انتي

واشيلك في عيوني حبيبتي

واه يا غاليه يوم ما توصل شطك سفينتي

ح المس بايدي ضي القمر

واقول حبيبتي احلا البشر

يا احلا مصير ويا اجمل قدر

يا حب زيه في الكون ندر

حبك قدروهديه من رب البشر

ومستنياك

بحبك كلمة جوا قلبي أسيرة

خايفة أقولها خايفة أسمعها
كلمة بين ضلوعي سجينة
يمكن جوا عينيا تشوفها
ويمكن يصرخ بيها لساني من غير ما تسمعها
بس تحس بيها
بس تلاقيها في لهفتي في اشتياقي
يمكن تكون سمعتها كتير
ويمكن تكون قلتها لكتير

بس مني ولا ليا شكل غير
فيها إحساس وطعم لا يمكن يكون إلا بيا وليا
لأني جوا قلبك حتي من قبل ما تعرف
لأن حبي مع الهوا بتتنفس
بس ورغم كل ده
بحبك كلمة جوا قلبي أسيرة

كلمة لو تقولها لي مرة هطير
لو أسمعها منك من غير خوف ولا تبرير
من غير ما عيون ترصدنا وتحكم علينا

ومن غير ما قلوب بريئة تتألم حوالينا
وكأن كلمة الحب بيننا محكوم عليها
تتوئد وهي لسة في قلوبنا وليدة
خليها جوة قلبي وقلبك تعيش
تظهر مرة في عينية ومرة في عينيك ما تلومنيش
هو كده حكم الزمن علينا
إن كلمة بحبك تبقي جوا
قلبي وقلبك أسيرة
خايفة تطلع خايفة تعلي
خايفة حد يسمع إني ...بحبك

خرجت عن الحوار

ليه لما نضحك نخاف

وليه دايما نشيل الهم فوق لكتاف

وليه لما نحب نخاف

حبو من غير خوف

والي يحب بصدق

سقفوله ع الكفوف


الحب شيئ شفاف

يسكن حنايا الروح

مش كلمه ولا الم وجروح

الحب يعني وفاء

يعني صدق يعني عطاء

يعني نعمه من رب السماء

الحب مش علاقة جسد

االحب علاقة روح

ونعمه عليها ننحسد

ويا بخته من حب بصدق واخلاص

اكيد ح تحبه كل الناس

الحب مش وسواس

بحبك تحب كل الناس

تطير في السما ونجومها عليك حراس

حبيبتي

انا ليكي وعايش بيكي

بروحي ودمي افديكي

يكفيني اشوف الحب في عنيكي

يكفيني احس شوقك في لمسة ايديكي

يكفيني انك انتي مني

واني منك

وان قلبي من بين الكل حبك

ماهو اصل حبك قدر

وقدري انتي يا اغلا البشر

=====

وهنا انتهي الحوار مع الاخت عليا

الحوار مدته اسبوع

في انتظار اقلامكم للرد

وقي انتظار اقلام جديده في حوار جديد

مع خالص حبي وتقديري للجميع

واسمي تحياتي للرائعه عليا علي هذا الحوار الرائع

وتمنياتي لمنتدي ياسر بدوام التقدم والرقي

بهاء